Segue a nosa actividade na páxina da embaixada.gal en Facebook.

embaixada.gal, a plataforma informativa e participativa fundada por un grupo de galegos e galegas migrantes e non migrantes, facilita un punto de encontro, de apoio, de orientación e de soporte a todos aqueles galegos/as da diáspora do século XXI con algunha que outra morriña e cunha gran necesidade de espallar e compartir a cultura galega nos países de acollida sen perder o vínculo con Galicia.

Presentámonos cun formato de asociación máis económico, máis global, máis políglota, máis moderno e tecnolóxico e cunha capacidade de alcance máis importante e novidosa.

Dende calquer punto de Europa estamos abertos para recibir as vosas propostas, divulgalas e poñer solución ás vosas inquedanzas. Queremos ser o voceiro da nova emigración sen esquecernos da máis vella. Somos un aire novo envolto en experiencia.

Todo intercambio e aportación que contribúa ó desenvolvemento de embaixada.gal será ben acollido.

Achégate e deixa a túa pegada na historia da Diáspora galega do século XXI.