Festa de San Xoán – Berna – Suiza
As raíces da celebración da Noite de San Juan pérdense no tempo. Os nosos antepasados crían que o Sol estaba namorado da Terra e resistíase a abandonala. E por iso comezou a festexarse na última noite de primavera, ao redor do 24 de xuño, que é a máis curta do ano. A isto uníase a superstición de que ese día era o ideal para escorrentar aos malos espíritos e atraer aos bos, así como para librar encantamentos de amor e fertilidade.
Celebración do San Xoan en Berna. Organizado polo centro galego Rosalía de Castro e a participación de embaixada.gal
Concerto de Luar na Lubre en Bruxelas – Bélxica
Luar na Lubre, o lexendario grupo de música folclórica galega e un dos grandes embaixadores de Galicia no mundo, volveu a Bélxica. Formada nos oitenta, a banda celebrou este ano os seus 30 anos na música cunha xira europea. Nestes 30 anos a formación non cesou de descubrir a música e os valores galegos ao mundo enteiro, mentres foi gañando relevancia con máis de 1000 concertos en 23 países e máis de 300.000 discos vendidos. Desde o seu inicio non só se inspiraron na música tradicional de Galicia, senón tamén doutras rexións de tradición celta como Irlanda, a Bretaña ou Escocia. O Centro Galego de Bruxelas , A Tentation, acolleu este gran retorno de Luar na Lubre en Bélxica. Para terminar a velada, o grupo folclórico do Centro Galego de Bruxelas, Galicia Baila, convidou ao público a compartir unha “queimada” e unha “foliada”.
Concerto no centro galego de Bélxica e participación de embaixada.gal
Foliada en Bonn – Alemaña
Organizada pola Casa Galicia de Bonn o 18 de novembro do 2017.
Por “foliada” coñécese aquela reunión de persoas que se atopan para gozar coa música e o baile. A Foliada de Bonn xa é todo un referente na antiga capital alemá e un punto de encontro para os amantes da gaita e as muiñeiras. Grupos galegos de Alemaña, Holanda, Francia e Bélxica participan neste evento celebrado en Bonn e organizado polo Centro Galego da antiga capital xermana.
Festa de Carnaval en Frankfurt – Alemaña
A celebración do Entroido ten a súa orixe probable en fins pagás e é unha das festas máis populares. Celébrase nos países que teñen tradición cristiá, precedendo á coresma. Polo xeral, en moitos lugares celébrase durante tres días, e desígnaselle co nome de “carnestolendas”, e son os tres días anteriores ao Mércores de Cinza, que é o día en que comeza a coresma no Calendario Cristián. En certos países en que o Entroido está moi arraigado como celebración popular e xa afastada do seu significado relixioso, alongan os festexos aos fins de semana do mes de febreiro e ás veces o primeiro fin de semana de Marzo.
Celebración en Frankfurt, febreiro 2018 coa participación de embaixada.gal
Presentación do libro “Cuentos pequeños para gente menuda”
Evento organizado na Casa Galicia de Bonn.
Festa do Mexillón en Hamburgo
A Asociación Cultural Galega de Hamburgo celebrou con éxito a festa do mexillón. Corenta quilos destes moluscos acabaron nas cacerolas de mans de Claudio Vence para ser degustados ao vapor ou con salsa de tomate picante polos asistentes ao evento. O sabor dos mexillóns e a música tradicional envolveron aos comensais ata as dúas da mañá. Unha celebración ao puro estilo galego que pon de relevo os alicerces fundamentais desta entidade: a promoción da cultura e da gastronomía.
Festa do mexillón no centro galego de Hamburgo. Participación de embaixada.gal
